طريقه عمل بيف استرجانوف

[]جايبالكم النهارده طبق شيك جدا لذيذ جدا يجنن جدا جدا [/color][/size]من احلى اطباق اللحمة اللى ممكن تاكليها ,, انا مش من عشاق اللحمة عامة لكن طبق زى ده انا مابيعديش عليا اسبوع الا لما بعمله لان جوزى بيموت فيه ..


انا كنت بعمله من زمان لكن لقيت طريقة جميلة اوى للاخت cattycatty هى تشبه طريقتى الاصلية لكن فيها شوية اضافات لذيذة ,, وانا من تجربتى ليه كتير عدلت فى المقادير شوية
ورابط الموضوع الاصلى اهو


ندخل بقى فى الموضوع اللذيذ :


** المقادير ::

شرائح لحم بتلو غير سميكة تتبل بالملح والفلفل(( انا مابقطعوش شرائح طويلة بحبه شرائح مدورة وبيبقى اجمل ولو الشرائح عندك سميكة دقيها خفيف عشان تترقرق )) ,,
بصلة متوسطة مقطعة صغير اوى ,,
3 فصوص توم مفرومين ,,
شرائح طولية فلفل اخضر واحمر واصفر ,,
1/2 علبة كريمة ,,
علبة زبادى ,,
كوب مشروم مقطع (( انا بستعمل مشروم فريش )) ,,
2 ملعقة مسطردة ,,
ملعقة دقيق مدوبة فى نصف كوب ماء ,,
بهاراتك (( انا بضيف بهارات اللحمة وجنزبيل وريحان وفلفل ابيض رشة بسيطة )) ,,






** الطريقة ::

1- نخلط الزبادى مع المسطردة والتوابل جيدا .. وادى شكلها بعد الخلط






2- نسخن 3 ملاعق زيت زيتون فى طاسة تيفال (( او طاسة مابتلزقش )) ونضيف البصل المتقطع ونقلب حتى يصفر ويدبل ثم نضيف الثوم ونقلب شوية ..






3- نضيف شرائح اللحم المتبلة ونقلبها على الجانبين لحد مايبقى لونها بنى وتبدأ تمسك نفسها شوية ,,




4- نضيف شرائح الفلفل الاخضرو الالوان ونقلب تقليبتين ,,




5- نضيف خليط الزبادى بالمسطردة والتوابل ونقلب شوية لحد ماتمتزج المكونات كلها ,,





6- نضيف ملعقة الدقيق المدوبة فى المية ونقلب دقيقتين ,, وبعدين نضيف 2 كوب ماء عادى ونسيب اللحم يستوى خالص براحته (( هياخد بالضبط حوالى 20 دقيقة )) ونقلب كل فترة بالراحة وهنتأكد من تمام استواء اللحم بأنك تطلعى حتة وتقطعيها بالمعلقة لو قطعت بسهولة تبقى استوت ولو لسه بتشد او جامدة شوية اديها كمان 5 دقايق على النار





وده بعد ماسبناه ال 20 دقيقة هنلاقى الصوص تقل بسبب الدقيق ,,







7- نضيف الكريمة والمشروم وندى تقليبتين لحد مايمتزج كويس ولون الصوص هيبيض شوية بسبب الكريمة ويتقل ,,



وده شكله النهائى ::
انا بحب اقدمه فى نفس الطاسة لان اولا شكلها حلو ولونها جميل وكمان عشان يفضل محتفظ بقوامه المتماسك







ودى اول حتة مع مكرونة بالصوص الابيض راااااااااااااااائعة جدا وتتماشى اوى معاه ,,





[center]